Sa Piling ng mga Dayuhan

Ako ngayon ay nasa ibang bayan. Sa isang bayan na ako ang dayuhan, ako ay isa lamang sampit sa kanilang lugar. Nakakatuwang isipin ang aking naramdaman noong nalaman ko na ako'y ipapadala ng aming kumpanya sa bansang hindi lamang ako ang nagmimithing makarating kundi maging ang iba.
Enero ng taong kasalukuyan ng aking malaman ang desisyon ng aking boss. Natuwa ako, excited pa nga e. Wala pang kasiguraduhan ang aking pag-alis, ako'y namili na ng mga gamit na aking dadalhin. Wow! Sosyal na ang dating ko. Pero pagkaraan ng ilang araw, nalulungkot ako. Homesick ika nga. Aking naalala hindi lamang ang init ng klima sa pilipinas kundi maging ang init ng pagmamahal sa piling ng aking pamilya.
Ganito pala ang pakiramdam ng mga OFW na nakikita ko noon sa airport. Nagtrabaho ako noon sa airport. Akala ko OA kung iisipin na mag-iiyakan ang pamilya sa paglisan ng isang kapamilya. Kung tutuusin kagustuhan naman yun ng aalis. Pinili nya iyon, desisyon na iyon kaya panindigan nya. Ngayon alam ko na. Gustuhin mo man, malulungkot ka pa rin. Gustuhin mo man, mapapaisip ka kung tama ba na lumisan ka.
Ang tao nga nman. Pero sa totoo lang, mas mahal ko na ngayon ang bansang Pilipinas hindi lamang sa init ng klima kundi dahil sa pamilyang naiwan

Mga tanong ng buhay

Sa araw-araw ng buhay ko, lagi akong napapaisip at nagtatanong ng mga tanong na mahirap o kadalasa’y walang sagot. Paano nga, wala din naman akong mapapagtanungan kasi sigurado akong di rin masasagot ng taong pagtatanungan ko.

Naisip nyo na ba kung bakit sa mundong ito, may mahirap at may mayaman? Kung bakit may pangit at may maganda? Bakit may matalino at may bobo? Hindi ba sabi nga nila lahat ng tao ay pantay-pantay? Pantay bang masasabi na si Juan dela Cruz ay halos magkandakuba sa kakatrabaho upang makakain ng tatlong beses sa isang araw samantalang si Uncle Sam naman ay nag-eenjoy sa kaka-gimik at hindi inaalintana ang perang winawaldas? Papano naman si Maria Magdalena na nagtratrabaho sa opisina at pag-uwi sa gabi aasikasuhin ang pangangailangan ng pamilya habang si Curly Sue ay nasa parlor nagpapaganda at pag-uwi sa bahay may mga katulong at yaya na aasikaso sa kanilang pangangailangan? Napapaisip ko na rin kayo ano? Kung hindi pa, siguro manhid ka at walang pakialam sa nangyayari sa kapaligiran mo.

Maaring sa mundong ito, hindi tayo pantay sa estado sa buhay. Maaring ang tinutukoy nila na pamatayan ay ang pagiging isang tao natin: ang pagkakaroon natin ng mga pagsubok sa buhay; ang pagkakaron ng wakas sa ating hininga; ang pagkaramdam ng sakit. Maaaring marami pang dahilan kung bakit sinasabing lahat ng tao ay pantay-pantay ngunit ang tanging naisip ko na dahilan ay ang pagiging likha tayo ng Diyos.

Hidden Desire

I am not sure why
But something inside did beat so fast
Deny I did try
But all denials did not last

I guess fallen I finally became
To someone I intend not to
At some point in my life he came
Not friends nor enemies are we two

Unlikely that I get attracted
Unlikely that I will be hook
But alas I get distracted
Whenever I turn at him to have a look

How I wish there some ways
What I feel for him I tell
And after that he stays
Coz he also for me had fell